Горан Пандев ги одигра сите 90 минути во Варшава, но нашиот напад не ги создаде вообичаените шанси во противничкиот шеснаесетник. Противникот сепак беше пресилен за да биде приредено изненадување, а според македонскиот капитен значајно беше и отсуството на неколку стандардни првотимци од националниот тим.
„Одигравме борбен меч, штета што тоа не беше доволно барем за еден бод. Полска потврди дека е квалитетна репрезентација, искористи две шанси и стигна до победата. Нам ни недостигаа играчите кои се повредени во средниот ред, тоа се одрази врз играта. Продолжуваме понатаму“ – порача Пандев веднаш по поразот во Варшава.
