Бобан Николов водеше тешка борба на средината од теренот, издржа бројни дели со полските репрезентативци, па по последниот свиреж на можеше да го скрие разочарувањето од конечниот исход.
„Мислам дека самите се победивме, ми се чини дека доколку бевме малку позрели, ќе извлечевме подобар резултат. Одигравме максимално борбено, тоа е јасно, но пресудно беше искуството на Полјаците. Како и да е, главата горе, мораме да одиграме квалитетно на последните два меча и потоа да се насочиме кон Лигата на нации“ – изјави Бобан Николов.
Тој е еден од тројцата фудбалери кои поради жолти картони нема да можат да настапат на следниот меч во Австрија, заедно со Муслиу и со Несторовски.
