Младиот фудбалер и брат на српскиот репрезентативец Немања Гудељ, Драгиша, е успешно опериран откако пред неколку дена изгуби свест на натпревар за неговиот тим Кордоба.
Потоа доживеа срцев удар, поради што беше изнесен од теренот, а подоцна и хоспитализиран. Иако беше брзо стабилизиран, операцијата беше неопходна и беше успешно изведена.
„Имаме компликувана недела зад нас поради сѐ што се случи со играчот кој сите го сакаме многу и кој ја освои соблекувалната. Не очекувавме да се случи такво нешто, првите денови беа тешки, сликите поминаа, а ноќите беа долги и во исчекување. Беше тешко да се фати сон“, изјави тренерот на Кордоба, Ернан Креспо,
„Настана затишје, траеше неизвесноста кај играчите, пред да дојде позитивната вест. Соблекувалната е желна да дојде до победа и да му ја посвети. Сега имаме уште поголема желба, Драгиша ја заслужува“, истакна стратегот на шпанскиот второлигаш.
