Фудбалската репрезентација на Македонија утре со натпреварот против Малта го отвора новиот циклус квалификации за пласман на Европското првенство во Германија во 2024 година. Во групата се уште Англија, Италија и Украина, па на нашиот национален тим не му се даваат големи шанси.
Според „We Global Football“, кој направи симулација, Македонија има нешто помалку од пет отсто шанси за пласман на завршниот турнир.
Македонија е 37. селекција во рангирањето за пласман на ЕВРО 2024 од вкупно 53 репрезентации. Шансите на нашиот национален тим се 4,32%.
Најголеми шанси од групата има Англија (90,88%), пред Италија (88,36%), додека Украина е третото место со 16,36% шанси за пласман. Послаба од Македонија е само позицијата на Малта, нашиот прв противник во групата.
