ФФМ го претстави новиот дрес на фудбалската репрезентација на Македонија (ФОТО)

Фудбалската репрезентација на Македонија новиот циклус квалификации за ЕВРО 2024 ќе го стартува со нови дресови. ФФМ денеска официјално го промовираше новиот дизајн кој фудбалерите за првпат ќе го носат на натпреварот против Малта в четврток.

“Исклучително сум горд што имам привилегија да го носам прекрасниот македонски дрес. Со нетрпение очекувам да го облечеме новиот дрес кој ја следи препознатливата традиција. Нашиот дрес со сонце е еден од најпрепознатливите и сигурен сум дека ќе биде многу популарен меѓу нашите навивачи”, изјави капитенот Стефан Ристовски.