Детска радост: Имам автограм од Барди и од Трајковски….Јас се сликав со Џани Алиоски (ФОТО)

Фудбалската репреезентација на Македонија во комплетен состав го одржа вечерашниот тренинг. Пристигнаа Стефан Ристовски и Аријан Адеми, се придружија и Елиф Елмас, Илија Несторовски и Бојан Миовски.

Пред почетокот на тренингот, убаво изненадување за репрезентативците. Беа пречекани од најмладите, кои сакаа да добијат автограм, да се фотографираат со своите идоли.

„Имам автограм од Барди и од Трајковски“…„Јас добив и од селекторот“….А јас се сликав со Џани Алиоски“…, велеа децата со широки насмевки.

Тоа е убавината на спортот, а радоста е огромна кога ќе се споделат убави нешта со најмладите.