Македонскиот прволигаш Македонија ЃП потпиша професионален четиригодошен договор со еден од најголемите таленти, 16-годишниот Алтин Алији.
„Алији е најдобар стрелец во кадетската лига со 14 голови, и еден од најдобрите млади играчи во Македонија. Станува збор за 16-годишен напаѓач, а веќе дебитираше за првиот тим на подготовките во Хрватска и во Турција, каде постигна еден гол“, велат од Македонија ЃП.
Тој во моментов е дел од националната селекција на Македонија до 17 години, каде има шест настапи и постигнато еден гол.
