Голманот Ведран Ќосевски и официјално ја заврши својата приказна со Струга Трим Лум. Искусниот чувар на мрежата, кој беше дел од двете шампионски титули на клубот, се раздели со актуелниот првак по взаемна согласност, иако неговиот договор важеше до 2027 година.
Минатата сезона Ќосевски се врати во струшкиот состав по едногодишна пауза, но во тековната кампања првата голманска позиција ја презеде Марко Анџелети, што го натера искусниот чувар на мрежата да побара нова средина.
Неговата следна станица е Вардар, каде ќе ја засили конкуренцијата на голманската линија, заедно со Давор Талески и Методија Велковски.
