Лионел Меси ја освои единствената титула што му недостасуваше во неговата богата кариера. По завршувањето на финалето на Светското првенство доделени се и индивидуалните признанија.
Најдобар млад играч на првенството е аргентинскиот репрезентативец Енцо Фернандез.
Најдобар голман или „златна ракавица“ на Мундијалот во Катар е голманот на Аргентина Емилијано Мартинез. Тој беше одличен во финалето и им одбрани два пенали на Французите. Сепак, Мартинез ја одбрани шампионската титула кога во 121. минута од финалето го одбрани шутот на Коло Муани и на тој начин ја спаси Аргентина.
Златната копачка и најдобар стрелец на Светското првенство е Килијан Мбапе со осум гола.
Најдобар фудбалер на Светското првенство е Лионел Меси, кој својата неверојатна кариера ја круниса со уште едно признание.
