МАКФУДБАЛ.МК на Кипар,
Никола Ѓуровски
За последниот меч против Ерменија на Кипар, селекторот на македонскиот национален тим Игор Ангеловски ќе се потпре и на дел од силите во домашниот шампионат. Енур Тотре заедно со Љупче Дориев е претставник на Шкендија во селекцијата на Македонија.
Верува дека нашиот национален тим ќе успее да се избори и за прво место во групата во тековниот циклус од Лигата на нации, откако се пласира на Европското првенство.
„Првата цел е остварена, се изборивме за пласман на Европско првенство. Пред нас е сега нова цел, затоа сме тука на Кипар, да ја победиме Ерменија, сакаме промоција во Б лигата. Иако ни недостигаат поголем број играчи секако ќе го дадеме максимумот и верувам дека ќе оствариме позитивен резултат“, изјави Тотре.
