Светскиот првак Франција ќе игра во ново финале и ќе ја брани титулата против Аргентина в недела на Мундијалот во Катар. „Триколорите“ го победија Мароко со 2-0 во вечерашното полуфинале и ќе ги предизвикаат Лионел Меси и друштвото во финална пресметка за трофејот.
Тео Хернандез многу брзо го разби бедемот на Мароко, постигна гол во петтата минута и го отвори патот за Франција кон финалето. Оливие Жиру имаше две шанси до крајот на првиот дел да ја удвои предноста, го погоди дирекот, а на спротивната страна возврати Амала со ножички, удар кој исто така заврши во дирекот.
Во второто полувреме Масоко тргна по израмнување, а во 79.минута Коло Муани постигна втор гол за Франција, само 44 секунди откако влезе во игра од клупата за резерви.
Мароко ќе игра во меч за третото место на Светското првенство против Хрватска.
