МАКФУДБАЛ.МК на Кипар,
Никола Ѓуровски
Илија Несторовски почнува од клупата, а Влатко Стојановски во трио со Иван Тричковски и со Александар Трајковски ќе ја нападне Ерменија од стартот на натпреварот во Никозија.
Во одбраната влезе Ѓоко Зајков, затоа што Бејтулаи е префрлен на десната бековска позиција, а Стефан Ристовски и овојпат ќе игра на левата странична позиција. Во средниот ред како стартер дебитира Енур Тотре.
Селекторот Игор Ангеловски го објави официјалниот состав за дуелот со Ерменија кој стартува во 18 часот, последен од циклусот во Лигата на нации, а Македонија се бори да го освои првото место и да се пласира во Лигата Б.
