Македонскиот фудбалски репрезентативец Бојан Миовски повеќе сака да освои трофеј со Абердин, отколку да биде „златна копачка“ во шкотскиот фудбал. Тоа го истакна во интервју за „Дејли рекорд“.
„Би било убаво да освоиме трофеј со оглед дека сме во полуфиналето на Лига Купот. Повеќе би сакал да кренам трофеј со Абердин, отколку да ја освојам „Златната копачка“ во првенстото на Шкотска. Клубот има цел да обезбеди пласман во европските натпреварувања за следната сезона. Нашата мисија е да бидеме меѓу првите три екипи на табелата и да се пласираме во финалето на Лига купот на Шкотска“, изјави Миовски.
