Роналдо дел од тимот што најмногу разочарал по групната фаза на Мундијалот во Катар

Капитенот на Португалија, Кристијано Роналдо, се најде во тимот на најголемите разочарувања по првата фаза на Светското првенство во Катар, составен од популарната платформа за статистика и резултати во живо, Sofascore. Причината за ова е што аналитичарите на компанијата на 37-годишниот Португалец му дадоа просечна оценка од 6,37 по систем до десет поени за трите натпревари од групната фаза.

Во оваа селекција се најдоа играчи кои играле 60% од времето на натпреварите од групната фаза на Светското првенство.

Петкратниот освојувач на „Златната топка“, Кристијано Роналдо, ги започна сите три меча на Португалците досега во Катар. Во нив постигна само еден гол откако погоди од пенал на првиот натпревар против Гана.

Роналдо тврдеше дека е стрелец и на првиот гол против Уругвај, но ФИФА тој гол му го додели на Бруно Фернандеш.