Крилниот напаѓач Рахим Стерлинг се сели од Манчестер Сити во Челси, а додека се чека официјалната потврда на трансферот тој веќе се прости од поранешниот клуб.
„Седум сезони, 11 големи трофеи, спомени за цел живот. До стручниот штаб кој одигра голема улога во мојот развој, до моите соиграчи кои станаа повеќе од луѓе со кои го делам теренот, до персоналот во администрацијата и канцеларијата, до навивачите кои неуморно го поддржуваа тимот и до сите вклучени во работата на клубот – мојата почит кон вас не може да биде поголема.
Благодарен сум за сите подеми и падови. Токму падовите ги тестираа мојата сила и решителност и ми дозволија да застанам пред тебе како најдобра можна верзија од себе. Во Манчестер пристигнав како 20-годишник, заминувам како маж. Ви благодариме за вашата бескрајна поддршка. Беше чест да го носам дресот на Манчестер Сити“, напиша Стерлинг.
За сето ова време, Стерлинг забележа 339 настапи за клубот на официјални натпревари и постигна 131 гол. Тој во Сити дојде во 2015 година од Ливерпул во трансфер вреден 63,7 милиони евра.
Англиските медиуми пишуваат дека Манчестер Сити го продава на Челси за 56 милиони евра.
