Голманот Христијан Стевковски и во наредните две години ќе го брани голот на Македонија ЃП, објави клубот. По успешната сезона, тој останува во тимот на „лавовите“ до 2024 година.
„Задоволство ми е што го продолжувам договорот и што останувам дела од овој тим. Се надевам на уште успеси и убави моменти во Ѓорче Петров“, изјави Стевковски.
Стевковски беше херој на ѓорчепетровци и одбрани два пенали против Силекс во финалето на Купот.
Претходно договорот со Македонија ЃП на две години го продолжи и тренерот Муарем Бајрами.
