Холандскиот стратег Ерик тен Хаг денеска ја има својата презентација како како нов менаџер на Манчестер јунајтед. Тој ја презеде работата на „Олд трафорд“ од Ралф Рангник и во наредниот период ќе се обиде да го врати клубот на врвот во Премиер – лигата.
Тој вели дека сака да го врати клубот таму каде што припаѓа.
„Возбуден сум и едвај чекам да почнам да работам во клуб кој има ваква историја. Сакаме да го вратиме овој клуб таму каде што припаѓа. Сакаме навивачите да бидат горди и „Театарот на соништата“ да се остварува сонот на секој фан. Сакаме да играме убав фудбал и да победуваме. Но, јасно е дека за тоа ќе треба напорно да работиме и да се реорганизираме“, изјави Тен Хаг.
