Англискиот премиерлигаш Ливерпул го објави доаѓањето на младиот офанзивен играч за врска на Фулам, Фабио Карваљо. Ден по завршувањето на Премиер – лигата, Ливерпул потврди дека Фабио Карваљо и официјално е нов играч на „црвените“. Од претходно се знаеше дека договорот кој беше на прагот на зимата е направен, па еуфоријата почна одамна.
Карваљо беше цел на неколку големи клубови, а Ливерпул ја започна операцијата за негово доведување на крајот на јануари. Во последниот ден од преодниот рок направија се за да го откупат, но неговата регистрација не беше заокружена и трансферот беше одложен за летониот преоден рок.
Сега кога веќе ја нема пречката, Ливерпул ја најави својата нова атрактивна аквизиција.
Карваљо е роден во Лисабон, ја мина Академијата на Фулам и оваа сезона беше од клучно значење во тимот, заедно со Александар Митровиќ. Прогласен е за најдобар млад играч во Чемпионшип, постигна 10 гола и забележа осум асистенции.
