Миралем Пјаниќ на лето повторно ќе ја напушти Барселона со која е под договор уште две години, но и Бешикташ каде настапува како позајмен играч. Кариерата во Серија А би можел да ја продолжи како член на Наполи кој покажува интерес да го доведе, пренесуваат дел од шпанските медиуми.
Пјаниќ оваа сезона одигра 26 натпревари за турскиот тим и асистираше четири пати, а одигра вкупно 1867 минути во дресот на Бешикташ.
Пјаниќ својот најдобар фудбал во кариерата го одигра во Италија, во дресот на Јувентус, кој го носеше откако се истакна за Рома. Со девет сезони искуство играјќи во Италија, тој сака да се врати и многу веројатно е да биде нов соиграч на Елиф Елмас.
