Селекторот на фудбалската репрезентација на Холандија, Луј ван Гал истакна дека третманите што ги има против канцерот даваат ефект. Тој во изминатиот период бил подложен на хемотерапија, а јавноста тоа не го знаела. Истовремено успешно ја вршеше и селекторската функција.
„Имав 25 третмани и лекарите ми рекоа дека мора да минат шест месеци, за да се види дали ќе има успех. Така и беше, сега се чувствувам многу подобро“, изјави Ван Гал.
Доколку е во можност, тој ќе ја води Холандија на Светското првенство во Катар, а Холанѓаните сепак имаат и подготвена замена, поранешниот селектор Роналд Куман.
