Манчестер Јунајтед нема да го казни Кристијано Роналдо за инцидентот по поразот од Евертон. Бесниот Португалец удри по раката на млад навивач, аутистично момче и му гo скрши телефонот на патот кон соблекувалната по несреќниот дуел на „Гудисон парк“. Потоа, мајката на 14-годишното момче, кое боледува од аутизам и диспраксија, покажа фотографија на која јасно се гледа модринката на раката на момчето.
Полицијата од Ливерпул и ФА на Англија, започнаа сопствена истрага за инцидентот, а неколку часа по скандалот Роналдо се извини на социјалните мрежи и го повика повредениот навивач да му биде гостин на „Олд Трафорд“.
Британските медиуми тврдат дека раководството на Манчестер Јунајтед проценило дека извинувањето на „ЦР7“ е доволно и нема да му даде дополнителна казна за однесувањето.
