Eден од најдобрите играчи на Атлетикo Мадрид оваа сезона, Ренан Лоди, во летниот преоден рок ќе го засили Јувентус, откриваат шпанските медиуми. Тренерот Диего Симеоне морал да даде дозвола за трансфер по наговор на раководството, а „старата дама“ за него ќе плати 35 милиони евра.
На „бјанконерите“ им е потребна замена за Алекс Сандро, кој ќе го напушти клубот од Торино.
Сепак, и Атлетико Мадрид веќе обезбеди замена. На местото на Лоди во Атлетико ќе дојде Маркос Алонсо од Челси.
Ренан Лоди има 24 години, собра 15 натпревари за бразилската репрезентација, а за „јорганџиите“ потпиша летото 2019 година за 22 милиони евра, доаѓајќи од Атлетико Параненсе.
