Јувентус ја продолжува победничката низа во Серија А откако на домашен терен ја совлада Салернитана со 2-0. Брзо избраниците на Масимилијано Алегри ги разрешија дилемите околу победникот.
Пауло Дибала во петтата минута донесе предност за „старата дама“, а Душан Влаховиќ во 29.минута зголеми на 2-0. До крајот, тимот од Торино немаше проблеми да го приведе мечот до крај.
Јувентус сега има 59 бода и се наоѓа на четвртото место на табелата, со седум бода негатива во однос на лидерот Милан.
