Тренерот на Баерн Минхен, Џулијан Нагелсман, смета дека шпанскиот претставник Вилјареал е сериозен ривал за неговиот тим во четврт-финалето на Лигата на шампионите. „Жолтата подморница“ успеа да го елиминира Јувентус за место меѓу осумте најдобри во елитното европско клупско натпреварување.
„Вилјареал е актуелен шампион во Лига Европа. Имаат многу искусен тренер и квалитетни играчи. Имаат јасно дефиниран стил на игра. Да се победи Јувентус со 3-0 не е лесно достигнување. Сакаме да одиме до крај во Лигата на шампионите, но прво ќе треба да играме и да го победиме овој силен тим“, изјави Нагелсман.
