Шпанскиот гигант Реал Мадрид сака да се ослободи од белгискиот интернационалец Еден Азар кој речиси и да не добива шанса за настап во тимот на Карло Анчелоти. Одличниот напаѓач не успеа да се наметне на „Бернабеу“ и се повеќе е разочаран од односот на италијанскиот стратег кон него.
Шпанските медиуми пренесуваат дека Азар одбил да се пресели во Њукасл, и покрај фактот што Реал ја прифатил понудата оваа зима. „Кралевите“ сакаат да се ослободат од неговата висока плата и подготвени се ова лето да го пуштат за 20 милиони евра. За неговиот потпис е заинтересиран Арсенал.
Еден Азар во 2019 година за огромни 115 милиони евра пристигна во Реал Мадрид од редовите на Челси.
