Менаџерот на Ливерпул, Јирген Клоп, е воодушевен од победата (0-2) над Арсенал во одложениот натпревар од 27. коло на Премиер – лигата. Со овој успех неговиот тим се доближи до лидерот Манчестер Сити на само еден бод поен и сериозно се вклучи во трката за шампионската титула.
„Многу сум возбуден поради ситуацијата во која се наоѓаме, но тоа не смени ништо. Мораме да продолжиме во истиот дух. Тимот работеше напорно во првото полувреме, а во вториот дел извршивме поголем притисок и навистина уживавм. Со нетрпение очекуваме да победиме и на следните натпревари. Тешко е, но мораме да го задржиме вистинскиот акцент“, изјави Јирген Клоп.
Ливерпул е во серија од девет последовни победи во Премиер – лигата.
