Вилјареал е изненадувањето на вечерта во Лигата на шампионите откако успеа да го декласира Јувентус со 0-3 среде Торино и се пласира во четвртфиналето од елитното европско клупско натпреварување. Шпанскиот тим можеби беше инфериорен во првиот дел, Влаховиќ ја погоди гредата, одлична шанса имаше и Мората, но Вилјареал ги дочека своите моменти во второто полувреме. Јувентус и трета година по ред е елиминиран во осминафиналето, и тоа од „аутсајдер“.
Ругани погреши и направи фаул во шеснаесетникот, ВАР пресуди дека сепак има пенал, а Жерар Морено во 78.минута постигна гол за водство. Пау Торес во 85.минута беше снаодлив по корнерот од десната страна и го реши победникот, а дебаклот на Јувентус го запечати Данџума од пенал во 92.минута.
Челси и вторпат го победи Лил, овојпат во Франција со 1-2. Бурак Јилмаз најави интересен меч откако реализираше пенал во 38.минута, но Кристијан Пулишиќ не дозволи Челси да замине со негатива на одморот.
Во второто полувреме Цезар Аспиликуета во 71.минута постигна победнички погодок за актуелниот европски првак.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski