Капитенот на руската фудбалска репрезентација Артјом Ѕјуба ја одби поканата на селекторот да се приклучи на тренинзите на националниот тим кои почнуваат на 21 март.
Руската репрезентација нема да игра во плеј-офот за Светското првенство, но селекцијата ќе се собере за шест дена, при што поканата на селекторот не е задолжителна за ниту еден играч.
Ѕјуба реши да не се приклучи на селекцијата поради војната во Украина.
„Ми кажа дека сака да биде дел од репрезентацијата, но сега поради тешката ситуација во Украина каде има многу роднини не може да дојде на собирот. Тоа го објасни со семејни причини и се извини“, изјави селекторот Карпин.
