Стадионот „Ренцо Барбера“ во Палермо ќе биде исполнет со максимален капацитет за баражот меѓу Италија и Македонија. Владите во Италија дозволија на барање на Фудбалската федерација да бидат пуштени во продажба уште 10.000 билети и триибните да бидат исполнети со целиот капацитет.
Иако во Италија се уште е на сила одлуката стадионите да бидат исполнети со 75% од капацитетот поради пандемијата на коронавирусот, сепак, направен е исклучок за овој важен меч.
Македонија ќе треба да добие околу 1.500 билети за македонските фанови, а околу стотина од нив ќе патуваат организирано со два автобуси.
