Анхел ди Марија ќе ја заврши кариерата во Бенфика

Договорот на Анхел ди Марија со Пари Сен Жермен истекува на крајот од сезоната, а шпанските медиуми пишуваат дека Аргентинецот веќе донел одлука каде ќе ја продолжи кариерата.

Ди Марија има опција да го продолжи договорот на уште една година, но се чини дека нема да ја искористи. Тој треба да го напушти ПСЖ на крајот на сезоната како слободен играч, а потоа да ја заврши кариерата во Бенфика.

Ди Марија со парижаните освои 19 трофеи, а за клубот собра 289 настапи, 91 гол и 115 асистенции.