Претседателот на Реал Мадрид, Флорентино Перез, е импресиониран од начинот на кој италијанскиот стратег Карло Анчелоти го подготвил тимот за натпреварот против ПСЖ. Легендарниот Италијанец го крена тимот од дното и успеа да го одведе до голема победа над ПСЖ (3-1) и пласман во четвртфиналето на Лигата на шампионите.
Очигледно оваа победа ќе го остави 62-годишниот стручњак на клупата на Реал Мадрид и следната сезона. „Марка“ наведува дека Перез веќе одлучил и дека Анчелоти останува во клубот.
До неодамна работата на Анчелоти беше доведена во прашање. Перез му замери за исклучително слабата игра на првиот меч во Париз и покрај тоа што Реал Мадрид е лидер на табелата во Ла Лига. Сепак, реваншот ги покри сите аномалии и сега повторно Флорентино Перез има огромна доверба во Италијанецот.
Ова е втор мандат на Анчелоти на клупата на „кралевите“. Тој минатото лето го замени Зинедин Зидан на клупата, а во клубот работеше од 2013 до 2015 година во првиот мандат. Со Реал во 2014 година ја освои Лигата на шампионите, УЕФА Суперкупот и Светското клупско првенство, како и Купот на Кралот. Сезонава го освои шпанскиот Суперкуп, а на добар пат е да го освои и трофејот во Ла Лига.
Славниот тренер зад себе има богата фудбалска кариера, но и тренерска кариера во која ги водеше Парма, Јувентус, Милан, Челси, ПСЖ, Баерн Минхен, Наполи и Евертон.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski