Фудбалската репрезентација на Македонија на 24 март ја очекува плејоф дуелот за пласман на Светското првенство против актуелниот европски првак Италија, а можеби трибините на стадионот „Ренцо Барбера“ во Палермо ќе бидат исполнети до последното место. Претседателот на ФИГЦ, Габриеле Гарвина, испратил барање да биде дозволен стопроцентен капацитет на стадионот за овој важен натпревар.
Во моментов на сила во Италија се мерки порадипандемијата на коронвирусот според кои на стадионите е дозволен капацитет од 75% исполнетост на трибините.
Италијанците експресно ги продадоа сите 26.000 билети кои досега беа пуштени во продажба, а првиот човек на италијанскиот фудбал сега побара дозвола од здравствените власти за максимален капацитет од 36.000 гледачи.
