Францускиот интернационалец Александре Лаказет би можел и да остане во Арсенал иако по завршувањето на сезоната ќе биде слободен играч. Тој досега не добил понуда од раководството да ја продолжи соработката, но сега ситуацијата со него е сосема поинаква. По заминувањето на Обамејанг во Барселона, Лаказет го зазеде местото во врвот на нападот и неговата форма е во подем.
Микел Артета е задоволен од неговите настапи и соработката би можела да биде продолжена.
„Имаше сезони во кои постигнуваше повеќе голови, но сега одлично ги извршува задачите кои ќе му ги поставам. Неговиот придонес е голем. На крајот од сезоната ќе седнеме со играчите на кои им истекуваат договорите и ќе решиме што ќе правиме“, изјави Артета.
Оваа сезона, Лаказет на 26 натпревари постигна пет гола и забележа осум асистенции.
