Украинскиот репрезентативец Олександр Зинченко се наоѓа во Англија, но во мислите му е неговата родна земја која се соочува со руска инвазија и воени дејствија. Ѕвездата на Манчестер Сити во разговор со англиската легенда Гари Линекер открива дека не може да плаче и постојано ги гледа страшните видеа од разурнатите делови на Украина.
„Постојано плачам, верувајте ми. Измина и повеќе од една недела, а јас се расплакувам кога возам кон тренинг центарот, во главата ми е хаос. Замислите само како е вашето родно место да биде срамнето со земја. Јас сум горд Украинец и таков ќе останам до крајот на животот. Ги знам и моите Украинци, тие попрво би умреле отколку да се предадат“, изјави Зинченко во интервјуто со Линекер.
Тој апелира војната да престане затоа што секојдневно има многу човечки жртви.
