Салах: Се шокирав кога слушнав дека сум седми на ранкингот за „Златната топка“

Мохамед Салах беше еден од главните кандидати за „Златната топка“, но на крајот заврши како седми во трката. Наградата му припадна на Лионел Меси.

Три месеци по доделувањето, фудбалерот на Ливерпул реши да искоментира и вели дека е шокиран од седмото место.

„Верувајте ми, бев шокиран кога видов дека сум на седмото место. Не би сакал да зборувам за теории на заговор, не би било фер кон победниците. Ме интересира само како некои земји гласале. Мислам дека таму има изненадувачки резултати“, изјави Салах.