Францускиот гигант Пари Сен Жермен размислува за нови засилувања во летниот преоден рок. Иако приоритетот на раководството е да го задржи Килијан Мбапе, чиј договор истекува по завршувањето на сезоната, спортскиот директор Леонардо веќе прави план за летен шопинг.
Желбата на ПСЖ е Пол Погба, кој се уште нема донесено одлука дали ќе остане на „Олд Трафорд“, но многу поконкретен чекор „светците“ планираат во Италија. Леонардо го пикираше Сергеј Милинковиќ – Савиќ, играчот за врска на Лацио кој на лето би можел да се пресели на „Паркот на принцовите“.
ПСЖ е подготвен да плати 70 милиони евра за негов ангажман, но претседателот на Лацио, Клаудио Лотито, досега не сакаше да слушне за негова продажба под 100 милиони евра.
