Францускиот гигант Пари Сен Жермен не се откажува од идејата да го задржи Килијан Мбапе и по завршувањето на оваа сезона. Неговиот договор истекува на лето и тој има намера да замине во Реал Мадрид, но раководството на ПСЖ нема да штеди пари за да го убеди да остане.
„Светците“ му подготвија двегодишен договор вреден неверојатни 100 милиони евра. Мбапе би инкасирал по 50 милиони евра секоја сезона, плус дополнителни бонуси за успесите со клубот и за евентуално освојување на „Златната топка“.
Мбапе е начелно договорен за трансфер во Реал Мадрид, но за него сериозен интерес покажува и англискиот премиерлигаш Ливерпул.
