Познатиот германски производител на спортска опрема „Адидас“, заштитното лице на дресовите на руската фудбалска репрезентација во претходните години, ја прекина соработката со „зборнаја“ поради кризата во Украина, предизвикана од воената операција на руската армија.
Ова е најновата во низата вести кои ја тресат Европа и кои без разлика на исходот на кризата на Истокот ќе предизвикаат огромни последици за целиот спорт.
Соработката меѓу фудбалската репрезентација на Русија и „Адидас“ датира од времето на поранешниот Советски Сојуз.
„Адидас“ во Русија е повеќе од обичен бренд на спортска опрема. Од 1980 година и Олимписките игри во Москва, кога е склучена соработката, низ целата земја се носат тренерки, маици, патики и слични производи на познатата германска компанија.
