Барселона е во тешка финансиска ситуација, но претседателот Хоан Лапорта верува дека следните чекори ќе бидат од клучно значење за закрепнување. Тој потврди дека Барселона е отворена за „новиот свет“ и дека се подготвува за издавање на криптовалута и НФТ токени.
Барселона досега имала неколку понуди за спонзорство од компании за криптовалути, но ги одбила затоа што сака да издаде сопствена дигитална валута и НФТ токени.
„Ќе развиеме сопствен метаверзум, затоа ги одбивме шансите да бидеме поврзани со било кои бизниси за криптовалути. Ќе формираме наша криптовалута и ќе се адаптираме на новиот свет. Мора да бидеме имагинативни и храбри и да бидеме чекор понапред од другите“, изјави Лапорта.
