Ливерпул по „луда серија“ пенали го освои Лига купот на Англија

Ливерпул е освојувач на Лига купот на Англија откако во финалето на „Вембли“ славеше по драматична серија пенали. Неверојатно, но победникот беше одлучен по 11.серија пенали, а Ливерпул славеше со 11-10. По регуларниот тек, а и по продолженијата. немаше голови на оваа средба.

Сите фудбалери од двете екипи постигнаа гол, а на ред дојдоа голманите. Каомин Келехер, голманот кој доби шанса во тимот на Ливерпул, успеа да реализира, а потоа киксна Кепа Аризабалага. Тоа значеше и трофеј за составот на Јирген Клоп.