Сопственикот на Челси, Роман Амбрамович излезе со многу интригантна изјава, објавена на официјалниот сајт на клубот. Во неа рускиот милијардер објави дека го предава управувањето со клубот на одборот кој управува со Фондацијата Челси. Според него, во сегашните услови тие најдобро можат да се грижат за интересите на клубот, играчите, персоналот и на навивачите.
„Во текот на овие 20 години како сопственик на Челси, секогаш ја гледав мојата улога како чувар на клубот, чија работа е да се погрижи да бидеме што е можно поуспешни денес и да ја градиме иднината, а притоа да имаме позитивна улога во нашата заедница. Секогаш сум носел одлуки следејќи ги најдобрите интереси на клубот. Останувам посветен на овие вредности. Затоа денес го давам старателството и грижата за Челси на Одборот кој раководи со Фондацијата на клубот. Верувам дека во моментов тие се во најдобра позиција да се грижат за интересите на клубот, играчите, персоналот и на навивачите“, изјави Роман Абрамович.
Челси во моментот е актуелен европски и светски клупски првак, а на Роман Абрамович му е забрането да влезе во Велика Британија поради добрите релации со Владимир Путин, кој нареди агресорски напад над Украина.
