Менаџерот на Тотенхем, Антонио Конте, увери дека е целосно посветен на работата во клубот и рече дека имал разговор со сопственикот, по шпекулациите дека ќе го напушти тимот поради неубедливите резултати.
„Разговарав со Даниел Леви. Нашиот претседател многу добро знае дека јас сум тука да му помогнам на клубот во секое време. Ќе го правам тоа до крајот. Тој ми покажува многу внимание секој ден и поради таа причина сум целосно посветен на клубот затоа што знам дека ме цени. Клубот е многу задоволен од мојата работа, од она што се обидуваме да го постигнеме со мојот тим и промената што успеавме да ја направиме во последните четири месеци“, изјави Антонио Конте.
