Тренерот на Интер, Симоне Инзаги, не можеше да не биде разочаран после ремито без голови против Џенова. Тој смета дека неговиот тим ги заслужил трите бода и едноставно немал среќа барем еднаш да ја испрати топката во мрежата на домаќинот.
„Резултатот секако остава горчлив вкус. Моравме да започнеме посигурно. Џенова е во добра форма и ни правеше проблеми во првите 20 минути, но потоа сигурно заслуживме повеќе со нашиот настап. Речиси идентично како и против Сасуоло, упативме 20 удари, но не постигнавме гол. Очигледно, треба да бидеме подобри во завршницата. Не треба да ја наведнуваме главата. Наскоро ќе им се вратиме на победите“, изјави Инзаги.
Интер е на втората позиција, со два бода заостанување во однос на Милан, но и со еден одигран меч помалку.
