Интер е во резултатска и голгетерска криза, а тоа го искористи Џенова и ремизираше без голови. Домашниот тим успеа да остане непоразен против актуелниот шампион, кој и понатаму останува на втората позиција на табелата во Серија А.
Симоне Инзаги го стартуваше мечот со Един Џеко и со Алексис Санчез, но немаше ефект, а во второто полувреме им даде шанса и на Лаутаро Мартинез и на Фелипе Каиседо. Сепак, мрежата на искусниот Салваторе Сиригу остана мирна до самиот крај.
Ова е голем бод за Џенова во битката за опстанок во елитата.
