Удинезе му украде бод на Милан (ВИДЕО)

Милан одигра очаен натпревар против Удинезе и ремизираше (1-1) на „Сан Сиро“. Сега има три бода повеќе од Интер на врвот на табелата во Серија А, но и два одиграни меча повеќе. Интер вечерва и гостува на Џенова.

Рафаел Леао во 29.минута успеа да донесе предност за „росонерите“, но во вториот дел Милан комплетно потфрли. Тоа го искористи Удинезе и преку Удоги успеа да израмни во 66.минута од дуелот. До крајот, тимот на Стефано Пиоли не создаде ниту една шанса пред голот на гостите.