Српскиот првак Црвена Звезда ќе игра против Глазгов Ренџерс во осминафиналето на Лигата на Европа. Првиот натпревар е на 10.март во Глазгов, а реваншот седум дена подоцна во Белград.
Барселона ќе се обиде да го прескокне турскиот Галатасарај во обидот да го освои трофејот во ова натпреварување, а интересна е и пресметката меѓу Порто и Олимпик Лион.
Севилја ќе ги вкрсти копјата со Вест Хем, а Лајпциг ќе се пресмета со Спартак Москва.
УЕФА исто така донесе и одлука сите руски клубови и репрезентацијата на Русија да играат на неутрален терен, по инвазијата што оваа земја ја изврши над Украина.
