Динамо Загреб синоќа не успеа да ја елиминира Севилја во Лигата на Европа. Хрватскиот тим победи со 1-0, но Севилја поради првиот меч и победата од 3-1 продолжува понатаму.
На „Максимир“ владееше добра атмосфера, но по мечот пристигна тажна вест.
Еден навивач почина од срцев удар, што по натпреварот го потврди и тренерот Жељко Копиќ. Тој изрази сочувство до семејството.
Се се случи на јужната трибина кога на еден навивач му се слоши и изгуби свест. Со брза интервенција на лекарите му била укажана прва помош, тој беше одведен во болница, но, за жал, таму починал.
