Лига Европа продолжува без Македонци: Бобан Николов и Шериф после пенали елиминирани од Брага

Ниту еден Македонец со својот клуб не успеа да „преживее“ во Лигата на Европа. По Елиф Елмас и Стефан Ристовски и Аријан Адеми, на крајот испадна и Бобан Николов со Шериф Тираспол. Неговиот клуб е елиминиран по изведување пенали (3-2) од Брага.

Португалскиот тим славеше со 2-0 во реваншот и ја анулираше негативата од првиот меч, а дуелот отиде во продолженија, потоа и пенали. Соиграчите на Бобан Николов не беа успешни пеналџии, откако првите три шута не завршија во целта.