Арсенал оствари драматична победа (2-1) против Вулверхемптон на „Емирати“ со која се наметнува сериозно за позициите кои водат во Лигата на шампионите. „Топчиите“ во моментот се на петтата позиција со само еден бод помалку од Манчестер Јунајтед, но имаат и два одиграни натпревари помалку.
Тимот на Микел Артета направи чудесен пресврт во финишот од мечот. Хи-Чан Хван во десеттата минута го изненади домашниот тим и Арсенал долго се мачеше да дојде до израмнување.
Му успеа тоа на Пепе во 82.минута, а Александре Лаказет во судиското продолжение донесе неверојатно важна победа за Арсенал.
