Атлетико Мадрид и Манчестер Јунајтед ремизираа (1-1) на „Ванда Метрополитано“ во првиот осминафинален натпревар од Лигата на шампионите. Тимот на Ралф Рангник успеа да израмни во финишот со голот на Ентони Еланга кој доби шанса да заигра и погоди. Во првото полувреме, Жоао Феликс го отвори резултатот уште во седмата минута од дуелот.
Ајакс имаше водство од 1-2 и диктираше офанзива, но Бенфика се спаси во Лисабон и ремизираше (2-2) со голот на Роман Јаремчук во 72.минута.
Душан Тадиќ во 18.минута го отвори резултатот, потоа Себастијан Халер си постигна автогол, но и се корегираше, па во 29.минута стрелаше и во мрежата на Бенфика.
